攪唔掂d「高科技」

嘩，我尋日唔記得左幫士多摌砂，頭先摌個時都覺得幾臭，下個月就試下較佢用馬桶＝＿＝皆因我每日咁都覺得好累...而且今個月仲要帶佢去睇一睇醫生，檢查下有冇d咩事，同埋順便絕育＞＜

今日試左睇下facebook有咩攪，其實之前都開左架啦，只係冇咩理到ja。因為今日第二間公司個人突然問我有冇facebook，而且又買左本書，入面又有介紹wo，咁就上去研究下啦。點知！一開始真係唔多識用......攪左一陣（其實都幾耐），終於明白少少啦^^

HTC新電話

最近特別想買電話，之前想買Iphone，不過自從HTC出了Touch Pro及Touch HD之後，就完全不想買Iphone，因為事實上本人是比較喜愛大屏及有可以推出的鍵盤 。而且每次想起買Iphone，都會有種感覺 - 雖然Iphone好，等於Ipod加了3G、電話及相機等功能，但是買Iphone倒不如買MacBook＝＿＝也只不過貴多幾千。

而近期到HTC網站上看到，應該今年會有我想買的電話類型，其實我想說Touch Pro II，之前一代時候，無論外型或是功能都與Diamond極為相似，Touch Pro II 跟Diamond II就可以說成改革了。
Touch Pro II 在外型方面感覺到比上一代圓滑，比較接近於最初的Touch，不過並不只是外型改變，最顯眼的就是3.6吋顯示屏，只比HD細上2吋^^ 而且推出鍵盤後，都與之前大為不同，上代內裡採用與機身同色的黑色配上綠色字，今次就用銀色（類似Dream），而且應該已經把一些功能鍵整合，所以於網上圖中看出每一個字母都比較大，不過可惜相機功能並沒有改變...

Diamond II 就跟上一代看上沒什麼特別改進，較為突出就是變成500萬像素的相機。





而新出的兩部機都加入一個特別的bar，位於顯示屏下面，用於放大縮小的，我覺得應該為了應付Iphone跟PRADA II的多點觸控＝.＝

但是我認為我始終亦不會買這兩部，因為系統仍是Windows Mobile® 6.1，一直等到6.5或者7.0先（到時候可能Apple又會再出新機＝＿＝）
其實應該還有兩部，名為HTD MAGIC及HTD 4G，Magic機背後有Google標誌......不用多說吧> <
而4G就較為特別，名叫4G，當然比3G更快，但比較令人興奮是......又一部3.8吋...

十分難忘的星期日

個日星期日，較左鬧鐘朝早9點半，鬧鐘一響我就禁熄佢繼續訓=_=攪攪下又到左11點。個時，突然覺得好似痕痕地咁，我咪即係掙開隻眼囉，點知就比我見到士多，佢唔係係我身上行，都唔係用尾掃我，我望到既係佢係我手臂下伏低左，而且佢個嘴就係我格甩低=＿=仲要幫我梳毛添。

一點幾個時，個friend打黎話打牌，本來諗住唔去既，但係諗諗下，打牌wo v.v咁咪打返比佢話會到lo。兩點幾出到去啦，點知佢地已經係機鋪打緊機...咁我咪等下佢地lo，等等下就變左９點幾啦＝.＝真係好無奈，比錢搭車去睇人打機，我又唔鐘意玩wo，如果唔係我都玩就唔會咁悶啦...之後打左一陣牌就返屋企。我記得返到個時都已經成２點半。

唉......唔知係唔係身體方面有d事，今日發現左個問題，希望唔係好嚴重架啦。

第一日（呢日應該係２月１２日發出黎既先岩...）

尋日終於係BLOGGER開左個戶口啦，標題就係士多＋啤利，知既朋友都清楚我最近養左隻小貓，而個名就係叫士多＞＜，因為我想養多一隻叫做啤利，夾埋就係我鍾意既士多啤利啦^^

今日...即係尋日返工個時啦，有樣好特別既事。事關我唔知醒，但就唔係係張床上懶訓，係我係巴士上訓過龍，去左後一個站，一起身就即刻睇睇電話幾點，嘩！０９２５（註：我個鐘比公司戈個仲要慢多３分鐘＝＿＝）......雖然只係一個站既差距，不過就咁行都要１０分鐘左右。我一落車就跑啦，一路跑一路跑，最後都係不敵於時間既侵略，遲左成３分鐘。如果我冇停低等紅綠燈、如果我可以再跑快一啲、如果我熟識個度而跑左一條原來好短既路徑......咁我就唔駛遲到啦＞＜不過重點就係唔好咁夜訓或者唔好係車上訓覺覺豬啦（第一樣做唔到架）唉！

跟住就貼幾張士多既生活照啦。

以上四幅訓得好舒服咁呀，仲要搵我隻手訓＝＿＝

士多：你到底望完未呢